Google Advanced Search. How to Search exact website, words, file etc.
Google search hum sab daily use karte hain, par zyadatar log sirf basic words type karke enter press kar dete hain.
Jab aapko koi bohot specific information, PDF document, ya kisi ek particular website ka data chahiye hota hai, tab normal search aapko hazaron irrelevant faltu results dikha deta hai.
Yahin par Google Advanced Search (ya Search Operators) kaam aata hai. Yeh kuch special symbols aur commands hote hain jo Google ko exactly bataate hain ki aapko kya chahiye aur kya nahi.
Niche sabhi zaruri search patterns aur operators ki detail di gayi hai, jisse aapka research time aadha ho jayega.
1. Exact Match Search (" ")
Agar aap chahte hain ki Google exactly wahi words usi sequence mein search kare jo aapne likhe hain, toh apne words ko double quotes " " ke andar likhna hai.
Kaise kaam karta hai: Yeh un pages ko block kar deta hai jisme words aage-peeche ya alag-alag likhe hon.
Example:
"google search"Result: Aapko sirf wahi pages milenge jahan yeh exact line "google search" likhi hogi, na ki wo pages jahan "google" alag aur 'search' alag likha ho.
2. Words ko hatana (Exclude Words) (-)
Kabhi-kabhi ek word ke bahot saare (multiple) meanings hote hain ya aap kisi specific topic ko search se hatana chahte hain. Iske liye minus - sign ka use karein.
Kaise kaam karta hai: Jis word ke aage aap minus
-lagayenge, Google us word wale sabhi results ko hata dega. (Dhyan rahe, minus aur word ke beech space nahi hona chahiye).Example: Apple -iphone -mac -ipad
Result: Apple search karne par Google sabse pehle tech company (iPhone, Mac) ke results pahle dikhata hai, lekin is command se Google tech products ko hata dega aur aapko sirf 'Apple' (सेब) fruit ke benefits, kheti, aur recipes ke results dikhayega. Aap image tab mein jaakar dekh sakte hain, wahaan sirf Apple fruit ke image hee dikhenge.
3. Specific Website Search (site:)
Agar aapko kisi ek particular website ke andar hi kuch dhundhna hai toh site: operator use karein.
Kaise kaam karta hai: Google sirf usi website ko scan karega aur results mein dikhayega jo aapne search baar mein type (mention) ki hai. Dhyaan rahe ki space nhi dena hai likhte samay.
Example:
site:google.comExample: site:supportinfoz.inResult: Pehle example mein sirf google ki official website ke results aayenge. Dusre mein sirf Support infoz ki site ke results aayenge.
4. File Type Search (filetype:)
Competitive exams ki tayari ya notes, books, documents ke liye yeh sabse useful trick hai. Agar aapko koi PDF, PowerPoint (PPT), ya Excel file chahiye, toh iska use karein.
Kaise kaam karta hai: Yeh normal web pages ko hata kar sirf downloadable files deta hai.
Example: GK Questions
filetype:pdfResult: Direct PDF files ke links milenge jinhe aap ek click mein download kar sakte hain.
5. Fill in the Blanks/Wildcard (*)
Agar aap koi phrase, quote, ya sentence, word bhool gaye hain, toh missing word ki jagah asterisk * laga dein. Google khud usko guess kar lega.
Kaise kaam karta hai:
*ek placeholder ka kaam karta hai.Example: how to remove * stain from white clothes
Result: Is search se Google aapko safed kapdon se daag hatane ke alag-alag articles ek hi jagah dikha dega. Jaise * ki jagah wo "ink", "coffee", "haldi", ya "oil" ko khud guess karke top results dikhayega.
6. Title, URL ya Text mein Search (intitle:, inurl:, intext:)
Blogging ya deep research karte waqt yeh operators bohot kaam aate hain.
intitle: Sirf un pages ko dhundhega jinke title mein aapka word ho.
Example:
intitle:"Google Advanced Search"
inurl: Sirf un pages ko dhundhega jinke web address (URL) mein aapka word ho.
Example:
inurl:supportinfoz
intext: Sirf un pages ko dhundhega jinki body/content mein wo word ho.
Example: intext:google search
7. Number Range (..)
Agar aap ek specific budget, saal (year), ya range ke beech mein kuch dhundhna chahte hain, toh do dots .. ka use karein.
Kaise kaam karta hai: Do numbers ke beech mein
..lagane se Google us range ke andar ki chizein filter kar deta hai.Example:
Samsung Galaxy smartphone ₹15000..₹35000Result: Aapko sirf wahi phones dikhenge jinki price is range ke andar hogi.
8. Either/OR Search (OR)
Jab aapko do alag-alag terms mein se koi ek term wale results chahiye. (OR hamesha capital letters mein likha hona chahiye).
Example: Hindi OR English
Result: Wo web pages aayenge jisme ya toh Hindi Ke Baare mein bataya ho, ya English ke bare mein (dono ka ek sath hona zaruri nahi).
In commands ko aap ek sath mix karke bhi use kar sakte hain. Jaise:
Example: site:google.com "google advanced search" filetype:pdf
Yeh command google ki websites se exact "google advanced search" word wali PDF files hi dhundh kar layegi. To jaaiye aur search kijiye.
Comments
Post a Comment